වර්තමානයේ ඊශ්‍රායලයේ ඉන්න යුදෙව්වන් බහුතරය විසිවන සියවසේ මුල ලෝකයේ විවිධ ප්‍රදේශ වලින් ඊශ්‍රායලයට සංක්‍රමනය වූ අය සහ ඔවුගෙන් පැවත එන අය. 1 වන සියවසේදී ඇති වුන රෝම-යුදෙව් යුද්ධ වලින් පසුව රෝම පාලකයන් ඊශ්‍රායලයේ වාසය කළ යුදෙව්වන්ගෙන් විශාල ප්‍රමානයක් වහලුන් ලෙස විකුණා දැම්මා. මේ නිසා ඔවුන් අවුරුදු 2000 ක් පමණ වාසය කළේ තම නිජබිමෙන් පිටත.
අවුරුදු දහස් ගානක් තිස්සේ විවිධ ජාති එක්ක, විශේෂයෙන්ම යුරෝපීයයන් එක්ක මිශ්‍ර වෙලා තියෙන නිසා ඔවුන් ගේ හැඩ හුරුව ඓතිහාසික හෙවත් පිටුවහල් කිරීමට පෙර ඊශ්‍රායලයේ සිටි ඔරිජිනල් යුදෙව්වන් ගේ හැඩ හුරුව නෙවෙයි.
ඔරිජිනල් යුදෙව්වෝ මොන වගේද?
1901 දී ජර්මන් ජාතික ඡායාරූප ශිල්පියෙක් වුනු හර්මන් බර්ෂාඩ්ට් යෙමනයට යනවා. ඔහුට එහිදී යුදෙව් ප්‍රජාවක් හමු වෙනවා. මේ යෙමනි යුදෙව්වන් රෝම-යුදෙව් යුධ සමයේ ඊශ්‍රායලයෙන් පලා ගිය යුදෙව් ප්‍රජාවකින් පැවත එන පිරිසක්. ඔහු මේ යෙමනි යුදෙව්වන් ගේ පින්තූර ගන්නවා.
 |
| හර්මන් බර්ෂාඩ්ට් |
පසු කාලීනව කරන DNA පරීක්ෂන වලින් හෙළි වෙනවා යෙමනි යුදෙව්වන් තමයි සියළුම යුදෙව්වන් අතරින් අඩුවෙන්ම මිශ්‍ර වෙලා තියෙන්නේ කියලා. මේකට හේතුව යුදෙව්වන්ගේ සහ යෙමනයේ බහුතර ජනයා වූ මුස්ලිමුන් ගේ ආගමික නීති.
යුදෙව් ආගමික නීති අනුව "යුදෙව්වෙක්" කියල සලකන්නේ යුදෙව් කාන්තාවකගේ දරුවෙක්. ඒ කියන්නේ යුදෙව් ජාතික පිරිමියෙක් යුදෙව් නොවන කාන්තාවක් එක්ක විවාහ වුනොත් ඒ විවාහයේ දරුවන් යුදෙව්වන් කියලා සැලකුනේ නෑ.
ඒ වගේම ඉස්ලාමීය නීතියෙන් මුස්ලිම් පිරිමියෙකුට යුදෙව් කාන්තාවක් විවාහ කරගත හැකි වුනත්, මුස්ලිම් කාන්තාවකට යුදෙව් පිරිමියෙක් විවාහ කරගන්න අවසර ලැබුණේ නෑ.
මේ නිසා මුස්ලිම් කාන්තාවන් සහ යුදෙව් පිරිමින් අතර විවාහ සිදුවුනේ ඉතාම අඩුවෙන්. මුස්ලිම් පිරිමින් සහ යුදෙව් කාන්තාවන් අතර සිදු වූ විවාහ වලින් බිහිවුන දරුවන් යුදෙව් ප්‍රජාවට ඇතුල් වුනේ නෑ. මේ හේතුව නිසා යෙමනෛ යුදෙව්වන් මිශ්‍ර වුනේ ඉතාම අඩුවෙන්.
ඒ නිසා ඓතිහාසික යුදෙව්වන් යෙමනි යුදෙව්වන් වගේ කියලා හිතන එක බොහෝ දුරට සාදාරනයි.
මේ පින්තූර වල දැක්වෙන්නේ 20 වන සියවසේ මුල යෙමනයේ සිටි යුදෙව්වන්.
No comments:
Post a Comment